കര്‍ക്കിടകത്തിനു പിറകെ ചിങ്ങമാസം. അങ്ങനെ വീണ്ടും ഒരോണക്കാലം. കാല്പനികന്മാര്‍ക്ക് വസന്തകാലം. അവര്‍ ഗൃഹാതുരതയോടെ പോയ്പായ നല്ലകാലത്തെക്കുറിച്ചു് ആയിരംകുറി പാടിയ പല്ലവികള്‍ തേച്ചുമിനുക്കിപ്പാടുന്നു. കച്ചവടക്കാര്‍ വിപണിയെ നിറച്ചാര്‍ത്തുകള്‍ നല്കി ഉത്സവമാക്കുന്നു. സാധാരണനിലയില്‍ ബോണസ് പ്രശ്നത്തില്‍ ബസ്സ് ജീവനക്കാരുടേയും മറ്റും സമരം ഒരു ഓണക്കാലവിശേഷമാണു്. ഇത്തവണ സമരഭീഷണി ഉണ്ടായെങ്കിലും അതു് സമരമായി ആളിപ്പടര്‍ന്നില്ല. തൊഴിലാളികളല്ല, മുതലാളിമാര്‍ ചാര്‍ജ്ജ് വര്‍ദ്ധനയ്ക്കുവേണ്ടിയായിരുന്നു സമരഭീഷണിയുയര്‍ത്തിയതു്. മുതലാളിമാര്‍ സമരം ചെയ്യുന്ന ലോകത്തിലെ അപൂര്‍വ്വം ദേശങ്ങളില്‍ ഒന്നു് എന്ന കേമത്തം നമ്മുക്കുണ്ടു്. സമരം ഉണ്ടായില്ല. അത്രയും ആശ്വാസം. പനിപിടിച്ചു് നടക്കാന്‍ വയ്യാതായവര്‍ക്കു് ബസ്സില്‍ സഞ്ചരിച്ചെങ്കിലും ആശുപത്രിയിലെത്താമല്ലോ.

തുടര്‍ന്നു വായിക്കുക...