തര്‍ജ്ജനി

ഓണം

സ്നേഹം നിറഞ്ഞ ഓണാശംസകള്‍!

സ്കിസോഫ്രീനിയ - 2

വാക്കുകള്‍ പൊട്ടിത്തെറിക്കുന്നെന്ന്,
പല്ലുകളില്‍ നിന്ന് രക്തമിറ്റുന്നെന്ന്,
നാവിലൊരു കെണിയുണ്ടെന്ന്,
കണ്ണുകള്‍ ഇറുന്നു വീഴുന്നെന്ന്.

തിരിഞ്ഞോടിയ നീ
തിരിഞ്ഞു നിന്നു, പകുതി വഴിയില്‍ -

അപ്പുറത്ത് കടലാണെന്ന്,
കടലിരമ്പം ചെവി തുളയ്ക്കുന്നെന്ന്,
കടല്‍ത്തിരകള്‍ ഫണമുയര്‍ത്തുന്നുവെന്ന്.

ചെകുത്താനും കടലിനും മദ്ധ്യേ
തകര്‍ന്നു നില്‍ക്കുന്ന നീ.

എനിക്കൊരു
കറുത്ത മേലങ്കി കൂടി വേണം.

സ്കിസോഫ്രീനിയ - 1
കണ്ണാടിയില്‍ നിന്ന്
പിശാചിനെ തുടച്ചുമാറ്റാന്‍
പഞ്ഞിത്തുണ്ടുകള്‍ മതിയെന്ന് നീ.

ഒരു കല്ല് കൊണ്ട്
എന്നെയുടച്ച്
നിന്നെ ഞാന്‍ മോചിപ്പിച്ചു.