സജിത എം. ആര്‍

ഇ-മെയില്‍ sajithamr@gmail.com

വരവുചെലവു പുസ്തകത്തിലെവിടെയോ
കളഞ്ഞുപോയെന്റെ ജീവിതം
കണക്കില്‍ ഞാനെന്നും മോശമായിരുന്നു
മനസില്‍ കയറാത്ത അക്കങ്ങള്‍ക്കിടയില്‍
ഞാനമര്‍ന്നു ഞെരിഞ്ഞു
അക്കങ്ങളുടെ രാകിമിനുക്കിയ വായ്ത്തല
അക്ഷരങ്ങളെ കറിക്കഷ്ണങ്ങളാക്കി

വീട് മിനുക്കിത്തുടച്ചുവച്ച് പോകെപോകെ
ഞാനൊരു ഇന്റീരിയര്‍ ഡിസൈനര്‍ ആയേക്കും
കിടക്കവിരികളുടെയും തിരശ്ശീലകളുടെയും സാമ്യവും വ്യത്യാസവും
പൂക്കളും വരകളും അന്വേഷിച്ചും തലപുകച്ചും
ഞാനൊരു മിടുക്കിയാവുന്നുണ്ട്

ഇതിനിടയില്‍ വഴിപിരിയുന്നുണ്ട്
നമ്മുടെ ജീവിത കണക്കുകള്‍