അമ്മ

കാലത്തിന്റെ കുത്തൊഴുക്കില്‍
അമ്മയ്ക്കു കിട്ടാതെ പോയത്‌
കാലന്റെ കനിവ്‌.
കടം കൊടുത്തും
തിരിച്ചു വാങ്ങാന്‍ മറന്നും
എഴുതിത്തള്ളിയ സ്നേഹം
ചുമട്ടു കൂലി പോലുമേകാതെ
പിറവിയിലെ മറഞ്ഞ മകന്‍.
പങ്കു കച്ചവടതിന്‍ പങ്കു
പറ്റാതെപോയൊരച്ഛന്‍
കാലത്തേര്‍ച്ചക്രത്തില്‍
കൈവിരല്‍ ചേര്‍ത്തപ്പോള്‍
കഷടകാലത്തേക്കിഷ്ട വരങ്ങളി-
രന്നു വാങ്ങാനമ്മ തുനിഞ്ഞില്ല.
അറുപതാണ്ടിന്റെ ജീവിതഭാരം
ചുമലേന്തിയമ്മ.
ഉറവ വറ്റിയുള്‍വലിഞ്ഞ കണ്ണില്‍
ജീവിത നാനാര്‍ത്ഥങ്ങളുമായമ്മ.

ജാഫര്‍